Në orët e para të së dielës, rreth orës 03:00, një shpërthim me lëndë plasëse ka ndodhur në një dyqan të një kompleksi shërbimesh në qytetin e Laçit. Ngjarja ka shkaktuar dëme materiale, por fatmirësisht nuk ka persona të lënduar. Forcat e policisë dhe grupi hetimor kanë mbërritur menjëherë në vendngjarje dhe nën drejtimin e Prokurorisë po kryhen veprimet për dokumentimin ligjor, identifikimin dhe kapjen e autorëve. Motivacioni i vendosjes së tritolit mbetet i paqartë, ndërsa hetimet vijojnë intensivisht për zbardhjen e plotë të rrethanave.