Një pacient 79-vjeçar u transportua me urgjencë në Spitalin e Përgjithshëm “Dr. Sami Haxhibeqiri” në Mitrovicë, pasi kishte pësuar një bllokim kritik të rrugëve të frymëmarrjes nga ngufatja me ushqim. Ai mbërriti në gjendje të rëndë dhe me rrezik të drejtpërdrejtë për jetën, por falë ndërhyrjes së shpejtë dhe të koordinuar të ekipit të mjekëve dhe infermierëve, trupi i huaj u hoq dhe frymëmarrja u rikthye. Ndërhyrja u drejtua nga Dr. Vehbi Salihu, specialist i Mjekësisë Emergjente, me ndihmën e infermierëve Agron Sumiqi, Musa Peci, Valdete Maliqi, Hidajete Hajrizi dhe Avdullah Ademi. Ky rast nënvizon rëndësinë e reagimit të menjëhershëm dhe profesional në situata emergjente që mund të rrezikojnë jetën e pacientëve.