Një qytetar i Kosovës u rrëzua dhe mbeti i bllokuar në një zonë të rrezikshme gjatë ecjes në “Shtegun e Mushkave” në Pejë, në Grykën e Rugovës. Ai rrëshqiti për disa metra në një terren të pjerrët dhe pësoi lëndime trupore, duke rrezikuar rënien në humnerë. Ekipi i Kërkim-Shpëtimit Malor nga Stacioni i Pejës ndërhyri menjëherë pas marrjes së thirrjes për ndihmë, duke vlerësuar situatën dhe ofruar ndihmën e parë në vendngjarje. Pas evakuimit të suksesshëm, ShKShMK i ka uruar qytetarit shërim të shpejtë, ndërsa operacioni u përfundua me sukses.