Drejtori i Përgjithshëm i Policisë së Shtetit të Shqipërisë, Skënder Hita, zhvilloi një takim me drejtues të lartë të Policisë italiane, ku u vlerësua niveli i lartë i bashkëpunimit mes dy vendeve në luftën kundër krimit të organizuar, trafikimit të narkotikëve dhe pastrimit të parave. Një element i veçantë i këtij bashkëpunimi janë skuadrat e përbashkëta hetimore, ku Policia shqiptare ka numrin më të madh të këtyre skuadrave me autoritetet italiane, duke dëshmuar besimin dhe efektivitetin e partneritetit. Palët gjithashtu theksuan suksesin në monitorimin ajror dhe goditjen e kultivimit të bimëve narkotike, si dhe mbështetjen e vazhdueshme të Policisë italiane për ngritjen e kapaciteteve profesionale të Policisë shqiptare. Në përfundim u riafirmua angazhimi për forcimin e mëtejshëm të bashkëpunimit strategjik, rritjen e shkëmbimit të informacionit dhe zhvillimin e iniciativave të reja për sfidat e sigurisë me karakter ndërkombëtar.