Në 24 orët e fundit në Shqipëri janë regjistruar 20 vatra zjarri, nga të cilat 9 mbeten aktive dhe njëra është në monitorim të vazhdueshëm. Forcat zjarrfikëse, ushtarake dhe bashkiake janë angazhuar me mbi 235 efektivë, 33 automjete zjarrfikëse, 3 helikopterë dhe 2 avionë Air Tractor për të menaxhuar situatën në terren. Vatrat më problematike ndodhen në zonat e Gojan–Gjegjan në Pukë, ku era e fortë dhe terreni i thyer e bëjnë situatën të vështirë, si dhe në Mal Milot të Kurbinit dhe Dajt të Tiranës, ku po punohet për të parandaluar rrezikun për banesat. Autoritetet kanë kryer evakuime në disa zona dhe vijojnë monitorimin e situatës në koordinim me strukturat e Mbrojtjes Civile, duke mbajtur prioritet mbrojtjen e jetës dhe pasurisë së qytetarëve.