Në 12 orët e fundit, në Shqipëri janë regjistruar 25 vatra zjarri, prej të cilave 10 mbeten ende aktive, njoftoi Ministria e Mbrojtjes. Për shuarjen e tyre janë angazhuar 47 automjete zjarrfikëse, 454 forca operacionale, si dhe 110 efektivë të Forcave të Armatosura, përfshirë tre helikopterë dhe avionin “Air Tractor”. Operacionet vijojnë në zona të ndryshme si Dajti, Priskë, Mallakastër, Elbasan dhe Berat, ku disa vatra janë nën kontroll ndërsa të tjera kërkojnë ndërhyrje intensive. Autoritetet theksojnë se nuk ka rrezik për zonat e banuara dhe vazhdojnë monitorimin dhe koordinimin e situatës në të gjithë territorin.