Gjatë 24 orëve të fundit në Shqipëri janë regjistruar 40 vatra zjarri, prej të cilave 6 mbeten ende aktive. Zjarret kanë përfshirë zona të ndryshme si Dajti, Dibra, Shkodra dhe Fieri, ku forcat e emergjencave dhe Forcat e Armatosura po ndërhyjnë me qindra efektivë dhe automjete zjarrfikëse. Më shumë përpjekje po bëhen për shuarjen e flakëve në Dajt, Çërrilë të Mallakastrës dhe Rragam të Shkodrës, ndërsa disa zona të tjera mbahen nën vëzhgim të vazhdueshëm. Ministria e Mbrojtjes thekson se situata monitorohet pandërprerë, duke u fokusuar kryesisht në mbrojtjen e banesave, jetës dhe pasurisë së qytetarëve.