Në 24 orët e fundit në Shqipëri janë regjistruar 43 vatra zjarri, nga të cilat 10 mbeten aktive dhe 3 janë nën monitorim të vazhdueshëm. Operacionet e shuarjes po zhvillohen me angazhimin e 499 forcave dhe 43 automjeteve zjarrfikëse, ndërsa Forcat e Armatosura kontribuojnë me 120 efektivë, 5 helikopterë dhe 2 avionë “Air Tractor”. Vatrat kryesore aktive ndodhen në zona si Mali i Dajtit, Gurë-Lurë, Shëngjergj, Qafë Helmes, Abaze të Krujës dhe Lufaj të Mirditës, ku po punohet intensivisht për të ndaluar përhapjen e flakëve drejt zonave të banuara.