Një 64-vjeçar shqiptar është shpallur në kërkim nga policia greke për tentativë përdhunimi ndaj një vajze 25-vjeçare me aftësi të kufizuara në banesën e saj në zonën e Kypselit, Athinë. Sipas nënës së vajzës, ajo e gjeti autorin mbi të bijën dhe në përpjekje për ta mbrojtur e goditi me tigan, duke shkaktuar një përleshje fizike mes tyre. Ekspertiza mjeko-ligjore nuk gjeti prova të abuzimit seksual, një fakt që ka habitur familjen. Autoritetet po vijojnë hetimet për kapjen e 64-vjeçarit, i cili kishte njohje me familjen prej 18 vitesh dhe konsiderohej person i besueshëm, por pas incidentit është larguar dhe nuk është gjetur ende.