Një 22-vjeçar shqiptar u ndalua në Brescia të Italisë gjatë një kontrolli rutinë në zonën e Ospitaletto, pasi sjellja e tij nervoze ngjalli dyshime tek oficerët. Gjatë kontrollit në makinë, në të cilën po udhëtonte nga Travagliato, policia gjeti 70 qese me kokainë me një peshë totale prej 76 gramësh, si dhe 415 euro cash, që dyshohet të jenë të ardhura nga trafikimi i drogës. I riu, i cili jetonte në Romë, u arrestua me akuzën e trafikut të drogës dhe tani po hetohen edhe bashkëpunëtorët e tij në këtë rrjet të dyshuar kriminal. Arrestimi u bë si pjesë e një aksioni rastësor të patrullave dhe është një goditje e rëndësishme ndaj trafikut të drogës në zonë.