Një 36-vjeçar shqiptar në Itali është arrestuar nga karabinierët e Comiso, Raguzza, pasi dyshohet se i ka vënë zjarrin apartamentit të ish-partneres së tij në “Corso Ho Chi Min”. Ngjarja ndodhi pas një grindjeje të fundit dhe përdorimit të lëngut të ndezshëm, duke shkaktuar dëme të mëdha materiale në banesë. Të dy personat u lënduan dhe u dërguan në Spitalin Guzzardi, ku u trajtuan për djegie dhe helmim nga monoksidi i karbonit, por pa rrezik për jetën. Pas daljes nga spitali, autori u dërgua në burgun e Raguzës dhe mbahet nën mbikëqyrjen e autoriteteve gjyqësore, ndërsa konflikti i vazhdueshëm dhe mospranimi i ndarjes nga ana e tij konsiderohen shkaku i ngjarjes.