Një shtetas shqiptar u ndalua nga Policia Federale gjermane pranë Mittenwaldit, pasi në automjetin e tij me targa gjermane u gjetën pesë të mitur nga Kolumbia, njëri prej të cilëve 15-vjeçar dhe i fshehur në bagazhin e makinës. Shoferi deklaroi se e kishte vendosur të miturin në bagazh për shkak të mungesës së vendeve të lira në automjet. Asnjëri nga të rinjtë nuk kishte dokumente të vlefshme për hyrje në Gjermani, megjithatë ata ishin regjistruar më parë në territorin gjerman. Pas marrjes në pyetje, shoferi u lirua, por ndaj tij do të nisë procedura penale për kontrabandë të qenieve njerëzore, ndërsa autoritetet e emigracionit do të vendosin për statusin e pesë të miturve.