Policia Federale në Rosenheim arrestoi një shtetas shqiptar 46-vjeçar, i cili kishte jetuar ilegalisht në Gjermani për rreth 11 vite duke përdorur një kartë identiteti greke të falsifikuar. Ai u ndalua gjatë një kontrolli në një tren ndërkombëtar nga Verona, ku zyrtarët identifikuan dokumentin si të rremë dhe më pas konfirmuan përmes gjurmëve të gishtërinjve se ai nuk ishte grek. Shqiptari kishte marrë kartën e identitetit të rreme në vitin 2015, pasi i ishte refuzuar kërkesa për azil në Gjermani, dhe që atëherë kishte mashtruar autoritetet, bankat dhe kompaninë e sigurimit shëndetësor. Kundër tij janë ngritur akuza për tentativë hyrjeje të paligjshme, qëndrim të paligjshëm dhe falsifikim dokumentesh, ndërsa i është vendosur ndalim hyrjeje dhe qëndrimi për katër vjet në Gjermani.