Mungesa e barnave në Qendrën Klinike Universitare të Kosovës vazhdon të shqetësojë pacientët, të cilët shpesh detyrohen t’i blejnë vetë jashtë spitalit. Për të adresuar këtë problem të përsëritur, Shërbimi Spitalor Klinik Universitar i Kosovës (SHSKUK) ka hapur një tender me vlerë mbi 100 mijë euro për furnizimin me barna nga lista esenciale. Në listën e produkteve të kërkuara përfshihen medikamente si Diazepam në formë injeksioni dhe tablete, Barium Sulfat, Aminoacids për infuzion, Glyceril-trinitrate sprej dhe Ptamol tableta. Afati për dorëzimin e ofertave është deri më 14 shtator 2026, duke shënuar një përpjekje të re për të përmirësuar furnizimin me barna në institucionet shëndetësore të vendit.