Gjatë 24 orëve të fundit, Policia e Maqedonisë ka ndaluar shtatë shoferë për shkelje të rënda të rregullave të komunikacionit. Pesë prej tyre kanë drejtuar automjetet pa patentë shoferi, njëri ka tejkaluar shpejtësinë e lejuar, ndërsa një tjetër ka vozitur nën ndikimin e alkoolit dhe me ndalim aktiv për drejtim. Rastet janë regjistruar në qytete të ndryshme si Prilep, Shkup, Gostivar, Gjevgjeli dhe Ohër, dhe pas hetimeve do të parashtrohen kallëzime penale. Ministria e Punëve të Brendshme apelon për respektim të rregullave të komunikacionit dhe përkushtim ndaj sigurisë rrugore nga të gjithë pjesëmarrësit.