Një shtetas i huaj, Stuart Piers Burgess, rreth 58 vjeç, i cili kishte leje qëndrimi të përkohshëm në Kosovë dhe banonte në Pejë, ka ndërruar jetë në Qendrën Klinike Universitare të Kosovës (QKUK). Ai ishte i shtrirë në repartin intensiv të QKUK-së që nga data 9 mars dhe ka vdekur më 24 mars 2026. Autoritetet policore dhe prokuroria kanë nisur hetimet për zbardhjen e rrethanave të vdekjes së tij, ndërsa trupi i pajetë është dërguar në Institutin e Mjekësisë Ligjore për obduksion. Policia nuk ka dhënë detaje mbi sëmundjet apo problemet shëndetësore që kanë çuar në trajtimin dhe vdekjen e viktimës, ndërsa hetimet janë ende në zhvillim.