Seanca gjyqësore ndaj Valdrin Krivaqës dhe Arxhend Gashit, të akuzuar për grabitje në Prishtinë, është shtyrë për shkak të mungesës së përkthimeve të dokumenteve nga gjuha serbe në shqip. Prokurori Besnik Jakupi kërkoi shtyrjen pasi vuri re se shumica e shkresave të lëndës, përfshirë procesverbalet dhe urdhëresat, nuk ishin përkthyer, gjë që pengonte administrimin e provave në mënyrë të drejtë. Ky rigjykim u vendos pas anulimit të vendimeve të mëparshme nga Gjykata Supreme, e cila e riktheu çështjen në shkallën e parë. Sipas aktakuzës, grabitja kishte ndodhur në gusht të vitit 2021, ku nën kërcënimin e armëve të ftohta dhe zjarrit, të akuzuarit kishin marrë sende me vlerë nga një i mitur, ndërsa procedurat ndaj të miturve të tjerë të përfshirë janë përfunduar në departamentin për të mitur.