Seanca gjyqësore ndaj ish-deputetit Pal Lekaj, i akuzuar për hedhjen e gazit lotsjellës në hollin e Kuvendit të Kosovës më 30 nëntor 2015, është shtyrë për shkak të mungesës së tij dhe avokatit mbrojtës. Gjyqtarja Edita Çanta njoftoi se Lekaj ndodhet jashtë vendit për arsye private dhe nuk mund të marrë pjesë në seancën e së enjtes. Në këtë incident, puna në Kuvend u ndërpre për disa minuta dhe deputetët u detyruan të largohen nga salla për shkak të kontaminimit nga gazi. Prokuroria e ngarkon Lekajn me veprën penale të përdorimit të armës ose mjetit të rrezikshëm, për të cilën rrezikon gjobë dhe burgim deri në 10 vjet.