Seanca gjyqësore ndaj Vali Corleones në Gjykatën Themelore në Prishtinë është shtyrë për shkak të mungesës së tij. Mbrojtësi i tij deklaroi se Corleone ishte njoftuar me kohë dhe e kishte kontaktuar edhe një ditë para seancës, por i akuzuari nuk paralajmëroi mungesën dhe nuk iu përgjigj telefonatave në ditën e seancës. Gjykata konstatoi se nuk ishin plotësuar kushtet për vazhdimin e shqyrtimit dhe caktoi një datë të re për 14 shtator në orën 13:10. Në rast se Vali Corleone nuk paraqitet as në këtë seancë, ndaj tij mund të lëshohet urdhërarrest.