Në lagjen Ajazaj të Zhurit, një shtyllë elektrike ka rënë në mes të rrugës dhe kabllot kanë mbetur të shtrira në tokë, duke krijuar një rrezik të madh për banorët, fëmijët dhe automjetet që kalojnë aty. Petrit Hoxhaj, këshilltar në Ministrinë e Bujqësisë, ka paralajmëruar për këtë situatë disa ditë më parë, por KEDS-i nuk ka ndërmarrë asnjë veprim për ta zgjidhur problemin. Ai ka kërkuar ndërhyrje urgjente nga KEDS dhe Policia e Kosovës për të siguruar zonën dhe për të parandaluar ndonjë aksident tragjik. Hoxhaj thekson se nuk duhet pritur që të ndodhë ndonjë fatkeqësi përpara se institucionet përgjegjëse të veprojnë.