Në Gjykatën Themelore Penale në Shkup është shtyrë seanca ndaj 13 nëpunësve të policisë të akuzuar për krime të rënda lidhur me tragjedinë në diskotekën “Pulse” në Koçan, për shkak të mungesës së dëshmitarëve. Dëshmitarët nuk u paraqitën, disa thirrje janë dorëzuar në mënyrë të parregullt, ndërsa një dëshmitar kërkoi transport për të ardhur në seancë. Gjyqtarja paralajmëroi përdorimin e mekanizmave ligjorë, përfshirë gjobat dhe paraburgimin, nëse mungesat vazhdojnë. Babai i njërit prej viktimave, Dragi Stojanov, shprehu pakënaqësi për shtyrjet dhe kërkoi që gjykata të përdorë të gjitha mjetet për të detyruar dëshmitarët të paraqiten, duke sugjeruar edhe shoqërimin policor në rast nevoje, ndërsa denoncoi presionet dhe kërcënimet ndaj familjeve të viktimave.