Familja e Shpend Krasniqit nga Millosheva, i cili humbi jetën në vendin e punës në vitin 2023, ka denoncuar mungesën e mbështetjes nga shteti dhe kompania pas tragjedisë. Sindikata e Sektorit Privat ka propozuar krijimin e një fondi të veçantë për familjet e punëtorëve që humbin jetën në punë, me qëllim kompensimin e tyre për periudhën e një viti me pagën minimale. Kjo ide është adresuar edhe në Qeveri, por në mungesë të veprimeve konkrete nga ana e saj, sindikata sugjeron që fondi të krijohet përmes kontributeve të qytetarëve. Klan Kosova sjell detajet dhe reagimet lidhur me këtë iniciativë që synon mbështetjen e familjeve në nevojë.