Në Kampin e Njësive Speciale në Vrellë u zhvillua trajnimi profesional “Ballafaqimi me turma” për 65 zyrtarë policorë nga rajone të ndryshme të Kosovës, duke përfshirë Prishtinën, Ferizajn, Pejën, Gjakovën, Gjilanin dhe Mitrovicën. Ky trajnim, i udhëhequr nga instruktorët e Drejtorisë së Njësive Speciale Operative, përfshiu pjesën teorike dhe praktike, duke përfshirë edhe një skenar për menaxhimin e situatave me turma. Në prezantimin përmbyllës morën pjesë drejtues të lartë të Policisë së Kosovës, përfshirë drejtorin e Përgjithshëm, kolonel Gazmend Hoxha, i cili përgëzoi pjesëmarrësit për profesionalizmin dhe përkushtimin e tyre. Ai gjithashtu theksoi mbështetjen e vazhdueshme ndaj njësive të specializuara dhe rëndësinë e zhvillimit të kapaciteteve operative për garantimin e rendit dhe sigurisë publike.