Pjesëtarë të Kompanisë së Kërkim-Shpëtimit të Forcës së Sigurisë së Kosovës (FSK) kanë mbajtur një ligjëratë në Shkollën e Mesme “Ruzhdi Berisha” në Dragash, ku kanë trajtuar temën e vetëdijesimit dhe reagimit në fatkeqësi natyrore. Nxënësit janë informuar për mënyrat e duhura të veprimit para, gjatë dhe pas situatave emergjente si tërmetet, zjarret, vërshimet, rrëshqitjet e dheut dhe stuhitë. Gjatë aktivitetit u theksua rëndësia e qetësisë, disiplinës dhe respektimit të udhëzimeve të autoriteteve për të mbrojtur jetën dhe pronën. Kjo iniciativë synon të rrisë kulturën e sigurisë dhe gatishmërinë e komunitetit për të reaguar në mënyrë të sigurt në raste fatkeqësish.