Dy zyrtarë të Policisë së Kosovës përfunduan me sukses një program ndërkombëtar internshipi në Universitetin Policor të Brandenburgut në Gjermani, ku morën pjesë në ushtrime taktiko-operative dhe shkëmbim përvojash me kolegë nga vende të ndryshme. Gjatë programit u theksua trajtimi profesional i rasteve të dhunës në familje, ku praktikat e Policisë së Kosovës u vlerësuan lartë nga pjesëmarrësit ndërkombëtarë. Vizitat në njësitë e specializuara të Policisë Gjermane dhe në Bundestagun e Berlinit ofruan një mundësi të rëndësishme për avancimin profesional dhe përforcimin e bashkëpunimit ndërkombëtar. Në përfundim u theksua rëndësia e vazhdimit dhe zgjerimit të bashkëpunimit për të ndërtuar një polici moderne dhe profesionale, e orientuar drejt standardeve ndërkombëtare.