Ministria e Bujqësisë, Pylltarisë dhe Zhvillimit Rural ka rikthyer në pronësi dhe administrim një objekt në Komunën e Zveçanit, i cili ishte uzurpuar nga struktura paralele në veri të vendit. Ky aksion u realizua në bazë të vendimit të ministrit Armend Muja, me qëllim racionalizimin e hapësirave administrative dhe optimizimin e përdorimit të pronës publike. Procesi synon riorganizimin e hapësirave institucionale dhe orientimin më efikas të resurseve financiare, duke reduktuar shpenzimet e qirasë dhe duke forcuar menaxhimin e pronës shtetërore. Kjo nismë pritet të ndikojë pozitivisht në investimet për fermerët dhe zhvillimin e sektorit bujqësor, duke ulur kostot operative dhe rritur efikasitetin administrativ.