Qendra Emergjente në QKUK po përballet me një fluks të madh pacientësh, duke krijuar mbingarkesë që ndikon në cilësinë e shërbimeve. Drejtuesit e klinikës apelojnë që qytetarët të drejtohen fillimisht te mjekësia familjare dhe spitalet rajonale, duke referuar në QKUK vetëm rastet urgjente dhe të domosdoshme. Sipas drejtorit Naser Syla, kjo do të ndihmojë në menaxhimin më të mirë të pacientëve dhe në uljen e presionit ndaj emergjencës. Edhe specialisti i mjekësisë familjare, Rushit Ismajli, thekson rëndësinë e portës së parë të trajtimit në qendrat e mjekësisë familjare, duke siguruar kujdes të vazhdueshëm pavarësisht numrit të lartë të pacientëve.