Instituti Kombëtar i Shëndetësisë Publike (IKSHPK) ka përgatitur një material informativ për fruthin dhe vaksinën MMR, duke u fokusuar në parandalimin e kësaj sëmundjeje ngjitëse përmes vaksinimit. Në këtë material janë përfshirë përgjigje për pyetjet më të shpeshta që lidhen me mënyrën e përhapjes së fruthit, simptomat dhe komplikimet e mundshme, si dhe sigurinë dhe efektivitetin e vaksinës MMR. IKSHPK gjithashtu sqaron keqinformimet dhe mitet që ekzistojnë rreth vaksinës, duke ofruar informacione të bazuara në evidencë shkencore. Ky material synon të ndihmojë prindërit dhe kujdestarët të marrin vendime të informuara dhe të mbrojnë shëndetin e fëmijëve dhe komunitetit.