Në Kosovë janë regjistruar dy raste tragjike të vdekjes nga ngufatja për shkak të trupave të huaj në rrugët e frymëmarrjes, një fëmijë 3 vjeçar dhe një 32-vjeçar. Specialisti i Mjekësisë Emergjente, Lulzim Hoti, ka apeluar për njohuri bazike të ndihmës së parë, duke theksuar rëndësinë e trajnimeve elementare për mbështetjen bazike të jetës (BLS). Ai ka dhënë udhëzime konkrete për veprimet që duhet ndërmarrë, duke filluar nga inkurajimi i personit të kollitet fuqishëm, goditjet në mes të shpatullave dhe manovrat në bark, deri te thirrja e emergjencës dhe fillimi i reanimimit kardiopulmonar në rast nevoje. Veprimi i shpejtë dhe i saktë në momentet e para mund të jetë vendimtar për shpëtimin e jetës, ndaj qytetarët duhet të jenë të përgatitur për të ndihmuar në këso situatash.