Policia e Milanos arrestoi një 27-vjeçar maroken dhe një 50-vjeçar shqiptar, të dy të dyshuar për trafik droge, gjatë një operacioni ku u sekuestruan mbi 32 kilogramë kokainë dhe heroinë. Operacioni u zhvillua pas mbikëqyrjeve intensive në një garazh në Vizzolo Predabissi dhe ndjekjes së një fuoristrade që përfundoi në Stezzano, ku u kapën duke shkëmbyer 270,000 euro në para cash me lëndë narkotike. Pas arrestimit, policia kontrolloi edhe banesën e 27-vjeçarit në zonën e Lodit dhe garazhin në Vizzolo Predabissi, ku u gjetën dhe sekuestruan sasi shtesë droge dhe para. Ky operacion zbuloi një rrjet të organizuar trafiku droge që përfshinte sasi të mëdha kokainë dhe heroinë në provincën e Milanos dhe Bergamos.