Policia në Gjermani ndaloi një “Mercedes” me të cilin po iknin dy të dyshuarit për sulmin në Stade, ku humbën jetën pesë persona. Autoritetet përdorën armët për të qëlluar mbi gomën e automjetit dhe kështu arritën të arrestojnë autorët e ngjarjes së rëndë. Në vendin ku ndodhi sulmi, pranë një qendre për të rinjtë, kanë mbërritur këshilltarë shpirtërorë për të ofruar mbështetje, ndërsa rrethanat e ngjarjes mbeten ende të paqarta. Përfaqësues të bashkisë falënderuan policinë për reagimin dhe shprehën ngushëllimet më të thella për viktimat dhe familjet e tyre, duke theksuar se motivet e krimit do të sqarohen së shpejti.