Ish-banori i Big Brother, Jozefin Marku, së bashku me një grup të madh personash, organizoi një pritë të planifikuar për ish-banorin e BB VIP Kosova, Edi Kuçin, në një rrugë të Shqipërisë. Videoja e plotë e përleshjes tregon se si Edi ndalohet me një tabelë të falsifikuar “Stop”, duke i hapur rrugë sulmit fizik brutal nga grupi i Markut. Gjatë rrahjes, Jozefini i kërkon llogari Edit për deklaratat e mëparshme ndaj tij dhe e detyron të ulet në gjunjë dhe të kërkojë falje, ndërsa Edi shihet i gjakosur dhe i dëmtuar. Publikimi i videove ka shkaktuar reagime të shumta në rrjetet sociale, ndërsa deri tani nuk ka pasur një sqarim zyrtar nga Jozefin Marku për ngjarjen.