Gjatë vitit 2025, shteti ka paguar 91 mijë euro pensione për persona që kanë ndërruar jetë, sipas raportit të Zyrës Kombëtare të Auditimit për Ministrinë e Financave. Janë kryer 517 pagesa të tilla, të cilat bien ndesh me ligjet dhe rregullat e skemave pensionale, kryesisht për shkak të vonesave në lajmërimin e vdekjeve ose mosregjistrimit në kohë të tyre. Kjo situatë ka shkaktuar pagesa të parregullta që dëmtojnë buxhetin e ministrisë dhe kërkojnë ndërhyrje urgjente. Për këtë çështje tashmë është ngarkuar Ministria për Punë, Familje dhe Vlerat e Luftës Çlirimtare, e cila u formua pas riorganizimit të qeverisë, duke marrë përgjegjësitë nga ish-Ministria e Financave, Punës dhe Transfereve.