Pas incidentit të 14 majit në një kafene në Skenderaj, ku u përfshinë kryetari i komunës Sami Lushtaku dhe zyrtari i Vetëvendosjes Hysni Mehani, Prokuroria Themelore në Mitrovicë ka hapur një rast për veprën penale “manipulim me prova” ndaj pronarit të lokalit ku ndodhi ngjarja. Sipas zëdhënësit të Prokurorisë, pronari është intervistuar dhe është liruar në procedurë të rregullt. Ministri në detyrë i Punëve të Brendshme, Xhelal Sveçla, ka deklaruar se pamjet e kamerave të sigurisë u fshinë, por u rikthyen nga ekspertët e forenzikës dhe tani janë në dispozicion të Prokurorisë. Nga këto pamje rezulton se Hysni Mehani është sulmuar në tavolinë nga Lushtaku dhe persona të tjerë, ndërsa ka pasur përpjekje për fshirjen e provave në bashkëpunim me pronarin e lokalit.