Siguria në sektorin e ndërtimit në Kosovë vazhdon të jetë një sfidë, megjithëse muajt e fundit janë vërejtur përmirësime në zbatimin e standardeve të sigurisë në vendpunishte. Kryetari i Shoqatës së Ndërtimit, Valon Vataj, thekson se përgjegjësia për sigurinë nuk bie vetëm mbi kompanitë dhe institucionet, por edhe mbi punëtorët, të cilët duhet të refuzojnë punën në vende ku rrezikohet jeta dhe të përdorin pajisjet mbrojtëse.