Miftar Mehani, ekspert i shëndetit dhe sigurisë në punë, ka theksuar rëndësinë e trajtimit serioz të çdo lëndimi në vendin e punës nga punëdhënësit dhe institucionet përgjegjëse. Ai ka vënë në dukje se vdekjet e fundit në punë janë pasojë e moszbatimit të masave mbrojtëse dhe se përgjegjësia bie si mbi punëdhënësit ashtu edhe mbi Inspektoratin e Punës, organin që mbikëqyr zbatimin e ligjit për sigurinë dhe shëndetin në punë.