Drejtori i Drejtorisë për Mbrojtje dhe Shpëtim, Stojançe Angellov, njoftoi se situata me zjarret në vend është aktualisht stabile, megjithëse ndryshon nga momenti në moment. Disa zjarre janë shuar, ndërsa të tjera mbeten nën kontroll, por ka edhe zjarr të vështirë për t’u fikur pranë deponisë së Strugës, i cili ka shpërthyer sërish pas një periudhe kontrolli të pjesshëm. Për të përballuar këtë zjarr, do të dërgohen së paku dy air traktorë, pasi flakët janë ende aktive dhe sfidojnë përpjekjet e zjarrfikësve. Autoritetet paralajmërojnë se situata mund të ndryshojë në çdo moment dhe mund të shfaqen zjarre të reja në vende të ndryshme të shtetit.