Një organizatë kriminale në Milano, e maskuar si kompani promovimi eventesh, është zbuluar duke ofruar shërbime eskortash luksoze për një klientelë të zgjedhur, përfshirë futbollistë të Serie A dhe sipërmarrës të njohur. Hetimet e Guardia di Finanza dhe Prokurorisë së Milanos zbuluan se grupi, i drejtuar nga një çift bashkëshortësh dhe dy bashkëpunëtorë, rekrutonte vajza të reja dhe ofronte paketa ekskluzive që përfshinin festa në klube të natës dhe shërbime sek*uale në hotele me pesë yje. Në përgjimet e siguruara u dëgjua edhe një referencë për një pilot të Formula 1 që kërkonte shërbime eskortash, duke theksuar përfshirjen e figurave të njohura në këtë rrjet. Nga ky aktivitet i paligjshëm janë sekuestruar rreth 1.2 milionë euro, ndërsa 10 vajza të reja, të moshës 18 vjeç, merrnin gjysmën e të ardhurave nga ky rrjet kriminal, duke nxjerrë në pah anën e errët të jetës së luksit në Milano.