Prokuroria Themelore në Ferizaj ka kërkuar nga Gjykata Themelore caktimin e masës së paraburgimit ndaj pesë personave me inicialet F.U., N.S., J.M., B.L. dhe G.H., të dyshuar për keqpërdorim të pozitës zyrtare, falsifikim dokumentesh, legalizim të përmbajtjes së rreme dhe blerje të sendeve të përfituara me vepra penale. Hetimet tregojnë se ata kanë përdorur identitetin e një personi të ndjerë që nga viti 1986, S.V., për të përpiluar autorizime të rreme për shitjen e parcelave, të cilat më pas janë regjistruar në zyrën kadastrale në emër të personave të tjerë. Noteri G.H. dyshohet se ka keqpërdorur detyrën zyrtare duke ndihmuar në hartimin dhe legalizimin e këtyre dokumenteve, përfshirë edhe një kontratë në gjuhën serbe për prona në Zonën Kadastrale Babushi serb. Të gjithë të dyshuarit ndodhen nën masën e ndalimit 48-orësh që nga 28 prilli 2026, dhe pritet vendimi i gjykatës për paraburgimin e tyre.