Një operacion i Drejtorisë për Hetimin e Krimeve Ekonomike dhe Korrupsionit ka zbuluar një skemë të dyshuar për pajisjen e kundërligjshme me patentë-shofer në Pejë. Gjatë bastisjes së auto-shkollës “Vosa” në Deçan, u arrestua instruktori Denis Tafilaj, ndërsa pronari i klinikës mjekësore “Anima” në Pejë, Gani Rama, është nën hetim dhe është intervistuar nga autoritetet. Hetimet janë në vazhdim, ndërsa dyshohet për veprime të falsifikimit të dokumenteve dhe keqpërdorim detyre. Autoritetet po punojnë për zbardhjen e plotë të skemës dhe për të parandaluar rreziqet që kjo mund të sjellë në sigurinë rrugore.