Sot në Gjykatën Themelore në Prishtinë do të mbahet seanca gjyqësore ndaj ish-kryeshefit të Korporatës Energjetike të Kosovës, Nagip Krasniqi. Ai akuzohet për dëmtim të buxhetit të shtetit dhe keqpërdorim të detyrës zyrtare, me dëme që variojnë nga 3 deri në 37 milionë euro. Akuzat lidhen me riparimin e kaldajës së bllokut A5 të termocentralit dhe tregtimin e energjisë elektrike me një kompani sllovene të pa licencuar në Kosovë. Krasniqi është deklaruar i pafajshëm në seancat paraprake, ndërsa seanca e sotme pritet të nisë në orën 09:30.