Prokuroria e Posaçme Kundër Korrupsionit (SPAK) ka sekuestruar dosjen e tenderit për ndërtimin e portit të ri tregtar në Porto Romano, me vlerë 400 milionë euro, për shkak të dyshimeve për shkelje të ligjit të prokurimit dhe mungesë barazie mes operatorëve ekonomikë. Shpallja e fituesit të tenderit, e cila ishte parashikuar të bëhej më 31 janar, është shtyrë deri më 9 mars. Aktualisht, në garë mbetet vetëm kompania qipriote Archiridon. Hetimi i SPAK vijon për të sqaruar të gjitha dyshimet dhe për të garantuar një proces të drejtë dhe transparent.