SPAK ka nisur një hetim të thelluar ndaj kompanisë “Kryon.83”, e cila ka seli edhe në Prishtinë, për dyshime të pastrimit të parave në vlerë prej rreth 600 mijë eurosh. Sipas hetimeve, fondet e përdorura për blerjen e një prone në Shijak dyshohet se kanë origjinë të dyshimtë dhe janë fshehur përmes transaksioneve financiare dhe pasurive të paluajtshme. Në kuadër të këtij hetimi, SPAK ka sekuestruar pasuri të shumta, duke përfshirë llogari bankare, prona dhe biznese të lidhura me të dyshuarit. Hetimet vijojnë nga autoritetet shqiptare, ndërsa pronari i kompanisë dhe aktivitetet e saj janë në fokus të veçantë për zbardhjen e plotë të skemës kriminale.