Dy muaj para shpalljes së aktgjykimit të pritshëm, Gjykata Speciale ka dalë me një reagim për të theksuar paanshmërinë dhe pavarësinë e gjyqtarëve të saj. Përmes një videoje të publikuar në rrjetin “X”, zëdhënësja e kësaj gjykate shpjegon se gjyqtarët përzgjidhen nga një panel i pavarur, i cili siguron që kandidatët të jenë profesionistë dhe të pavarur, duke respektuar standardet e integritetit dhe paanshmërisë sipas ligjit. Kjo përzgjedhje e kujdesshme synon të garantojë besueshmërinë dhe drejtësinë në procesin gjyqësor që po zhvillohet në Hagë. Reagimi vjen në një moment kritik, duke synuar të parandalojë dyshimet dhe të forcojë besimin publik në veprimtarinë e Speciales.