Gjykata Speciale në Hagë ka bërë të ditur se gjatë procesit gjyqësor po respekton plotësisht të drejtat e të akuzuarve në përputhje me Kushtetutën e Republikës së Kosovës dhe Konventën Evropiane për të Drejtat e Njeriut. Në njoftimin e saj zyrtar, Specialja thekson se çdo i akuzuar ka mundësinë të apelojë vendimet përmes një paneli të veçantë gjyqtarësh dhe, si mjet i fundit, te Dhoma e Specializuar e Gjykatës Kushtetuese. Gjykata ka zbatuar mbi 160 raste të vendosura më parë nga Gjykata Evropiane për të Drejtat e Njeriut, duke siguruar kështu përputhshmërinë me standardet ndërkombëtare të të drejtave të njeriut. Ky njoftim vjen në një moment kur gjykimi në Hagë po afrohet drejt fundit, duke theksuar angazhimin e Speciales për një proces të drejtë dhe transparent.