Spitali i Përgjithshëm në Gjakovë ka reaguar ndaj njoftimit të kryetarit të Sindikatës së Pavarur të Punëtorëve Privat, Jusuf Azemi, i cili pretendonte se punëtorët teknikë të spitalit kanë nisur grevën për shkak të vonesave në paga. Spitali ka mohuar këto pretendime duke theksuar se nuk ka marrëdhënie pune me këta punëtorë, pasi shërbimet e higjienës dhe teknike janë kontraktuar me një kompani private. Përgjegjësia për pagesat dhe obligimet ndaj punëtorëve bie plotësisht mbi operatorin ekonomik privat, ndërsa Spitali nuk do të lejojë të përfshihet në këtë çështje. Që nga viti 2009, Spitali nuk ka staf teknik apo higjienik në marrëdhënie të drejtpërdrejtë pune, prandaj sindikata duhet të drejtojë reagimet e saj ndaj punëdhënësit real.