Në Spitalin e Përgjithshëm të Pejës është kryer me sukses për herë të parë në një institucion shëndetësor publik nefrektomia laparoskopike, një procedurë minimalisht invazive për heqjen e veshkës. Ky operim i rrallë shënon një avancim të rëndësishëm në fushën e kirurgjisë moderne dhe u realizua nga urologu dr. Shkëlzen Elezaj, me mbështetjen e një ekipi të përkushtuar dhe profesionistësh nga repartet e ndryshme. Falë angazhimit të kirurgut dr. Naim Loxha dhe bashkëpunimit të dr. Liridon Elezaj, ky sukses tregon se me punë dhe dije, shëndetësia publike në Pejë po përparon. Spitali falënderon të gjithë ekipin që kontribuoi në këtë arritje, duke theksuar frymën e shkëlqyer ekipore dhe profesionalizmin e lartë.