Dëshmitë e reja nga dosja e spiunazhit zbulojnë se Jelena Gjukanoviq, një zyrtare e OSBE-së, raportonte çdo lëvizje të shefit të saj amerikan, Jeff Bieley, te agjentët e inteligjencës serbe BIA. Ajo e përshkruante Bieley-n me gjuhë fyese, duke e quajtur “idiot” dhe duke tentuar ta lidhë atë me Ushtrinë Çlirimtare të Kosovës, duke përdorur edhe një fotografi të tij me uniformë të UÇK-së si provë “inkriminuese”. Gjukanoviq raporte për kontaktet e Bieley-t me njerëz nga Skënderaji dhe Drenasi, duke ndihmuar shërbimin sekret serb të ndërtojë narrativën se OSBE-ja është e kontrolluar nga njerëz “antiserbë”. Prokuroria kërkon 25 vjet dënim për Gjukanoviq, duke e akuzuar për shkelje të rëndë të sigurisë dhe tradhti, pasi ajo përdorte besimin e zyrës për të shitur informacion sekret te inteligjenca serbe.