Avokati Arbër Jashari ka reaguar pas aktakuzës së Prokurorisë Speciale ndaj Fatmir Shehollit, i cili dyshohet për spiunazh dhe bashkëpunim me Agjencinë e Sigurisë dhe Informacionit të Serbisë. Ai ka theksuar se spiunazhi është një problem i madh për Kosovën dhe përbën një kërcënim të brendshëm, që mund të destabilizojë shoqërinë dhe të përçajë qytetarët. Jashari ka paralajmëruar se rreziku nuk vjen vetëm nga jashtë, por edhe nga persona brenda vendit, duke i bërë thirrje të gjithë qytetarëve dhe veçanërisht atyre me hapësirë publike të jenë vigjilentë dhe të kujdesshëm. Ai ka përgëzuar institucionet si AKI, policinë dhe prokurorinë për punën e tyre në ruajtjen e sigurisë kombëtare dhe ka theksuar se një shtet i fortë me institucione stabile është ilaçi më i mirë kundër këtij fenomeni.