Një stuhi e fuqishme në Sarandë ka shkaktuar dëme të mëdha në çatinë e një pallati 12-katësh, duke lënë katër familje të katit të fundit pa strehë. Çatia, e ndërtuar me dru dhe pjesërisht e rrënuar, ka pësuar dëmtime të rënda, ndërsa objekti rezulton të jetë ndërtim i vjetër pa certifikatë pronësie. Banorët e dëmtuar disponojnë vetëm kontratën e porosisë me ndërtuesin, gjë që vështirëson situatën ligjore dhe zgjidhjen e problemit. Pas denoncimit, Inspektoriati i Mbrojtjes së Territorit në bashkinë e Sarandës ka kryer verifikimet në terren dhe po shqyrton masat që do të merren për të ndihmuar familjet e prekur.